འགྲོ་བ་མིའི་ཐོབ་ཐང་གི་དཔའ་རྟུལ་བཅུ།

འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་འདི་ནི་བོད་རང་དབང་འཐབ་རྩོད་ཀྱི་ལོ་རྒྱུས་ཁྲོད་དུ་གལ་འགངས་ཆེན་པོ་ཆགས་ཡོད། འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་བསྐྱངས་ནས་མི་ལོ་༤༠ འཁོར་བའི་རྗེས་ཏེ། ཕྱི་ལོ་༡༩༨༨ ལོར་རྒྱ་ནག་དམར་ཤོག་གཞུང་གིས་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ལ་ངོས་འཛིན་བྱ་ཁུལ་བྱས་ཀྱང་། དོན་དངོས་སུ་བོད་ནང་དུ་རྒྱ་གཞུང་གི་འཆར་གཞི་དང་དམིགས་ཡུལ་ལྡན་པའི་དབང་སྒྱུར་དང་དྲག་གནོན་སྲིད་ཇུས་སྣ་ཚོགས་གཏན་འབེབས་དང་ལག་བསྟར་བྱས་དང་བྱེད་མུས་ཡིན་པ་ཧ་ལམ་འཛམ་གླིང་མི་མང་གི་མིག་མཐོང་ལག་ཟིན་ལྟར་ཆགས་ཡོད། དེར་མ་ཟད། རྒྱ་ནག་དམར་ཤོག་གཞུང་གིས་འགྲོ་བ་མིའི་ཐོབ་ཐང་དང་རང་དབང་ནི་ཁྲིམས་འགལ་དང་ལོག་སྤྱོད་ཡིག་ཆར་བརྩིས་ནས། བོད་མིའི་རང་དབང་དང་། རང་ཐག་རང་གཅོད། འགྲོ་བ་མིའི་ཐོབ་ཐང་གི་མངོན་འདོད་ལ་དྲག་གནོན་ཤུགས་ཆེར་བཏང་བ་དང་། ལྷག་པར་དུ་རྒྱ་ནག་དམར་ཤོག་གཞུང་གི་རིག་གནས་གསར་བརྗེས་བསྐྱེད་པའི་མི་སྤྱོད་ལས་འདས་པའི་བཙན་གནོན་དང་གཏོར་བཅོམ་ཡ་ང་བ་བཏང་བའི་དཀའ་སྡུག་མ་བཟོད་པར། བོད་ནང་དུ་བོད་མིའི་རྔོམ་སྟོན་ཁྲོམ་སྐོར་དང་ཞི་རྒོལ་ལས་འགུལལ་རབ་དང་རིམ་པར་བྱུང་བ་རེད།