བསམ་ཞིབ།
དེ་རིང་གི་འགྲོ་བ་མིའི་ཐོབ་ཐང་གི་གནས་སྟངས་ལ་དཔྱད་ཞིབ་དང་། ཉིན་རེ་བཞིན་འགྲོ་བ་མིའི་ཐོབ་ཐང་ལ་གཞོགས་འདེགས་གནང་ཐབས་ལ་བསམ་ཞིབ་བྱེད་རོགས།
ལས་འགུལ་འདི་ནི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་བསྐྱངས་པའི་ཉིན་མོ་སྲུང་བརྩི་གནང་བའི་གོ་སྐབས་གཅིག་པུ་ཙམ་མིན་པར་ད་དུང་གོ་ལ་རང་བཞིན་གྱི་འགྲོ་བ་མིའི་ཐོབ་ཐང་ལ་གཞོགས་འདེགས་ཡོང་ཐབས་སུ་ཞེན་སྐུལ་གཏོང་བ་ཞིག་ཀྱང་ཡིན་པ་རེད། འགྲོ་བ་མིའི་ཐོབ་ཐང་གི་གནས་སྟངས་ལ་དཔྱད་ཞིབ་དང་བསམ་ཞིབ་གནང་ཐབས་སུ། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་འཛིན་ལྷན་ཚོགས་དང་མཉམ་འབྲེལ་ཐོག་ཚད་མཐོའི་ལས་འཆར་བཟོ་བའམ། ཡང་ན་གཤམ་གསལ་གྱི་ཐབས་ལམ་ཁག་ལག་བསྟར་བྱེད་རོགས།
མུན་སེལ་འོད་སྣང་།
ཕྱི་ལོ་༢༠༡༨ ཟླ་༡༢ ཚེས་༡༠ ཉིན་༼འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་བསྐྱངས་པའི་ཉིན་མོ་ཡིན།༽བར་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་འཛིན་ལྷན་ཚོགས་ནས་དུས་ཡུན་ལོ་༡ རིང་འཛམ་གླིང་ཡུལ་གྲུ་གང་སར་ཉིན་རེའི་འཚོ་གནས་ཀྱི་གལ་ཆེའི་ཐོབ་ཐང་ཁག་ཡར་རྒྱས་གོང་སྤེལ་གྱི་ལས་གཞི་འགོ་བརྩམས་པ་ལྟར། ང་ཚོའི་དམིགས་ཡུལ་གཙོ་བོ་ནི་སྔར་ལས་ལྷག་པར་འཛམ་གླིང་མི་མང་མཉམ་ཞུགས་ཡོང་ཐབས་དང་། འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ལ་གཞོགས་འདེགས་གནང་བར་སྐུལ་འདེད་གཏོང་རྒྱུ་དེ་ཡིན།